Friday, October 26, 2007

இணைய இளவரசிகளுக்கு வாழ்த்துக்கள்

அவள் விகடனில் வந்துள்ள

இணைய இளவரசிகள் கட்டுரையில்


செய்தி உபயம் : மங்களூர் சிவா
கோப்பாக பார்க்க
நன்றி:வித்யா கலைவாணி

செல்வ நாயகி ,தமிழ்நதி, லஷ்மி, பொன்ஸ், மற்றும் காயத்ரி

பற்றிய செய்திகள் இடம் பெற்றுள்ளது.

இணைய இளவரசிகள் அனைவருக்கும் எங்கள் கும்மி கழகத்தின் சார்பாக வாழ்த்துக்கள்.

இதுவரை ஆனந்த விகடனில் குட்டீஸ் ஜங்ஷன் மற்றும் ஜெஸிலா,ம.சிவக்குமார்,இட்லிவடை,இம்சையரசி [இந்தவாரம்]

ஆகியோரது தளங்கள் பற்றி வந்துள்ளது.

இப்படி வலைதளங்கள் பற்றிய செய்திகள் ஊடகங்களில் வருவது வலைஞர்களுக்கு உற்சாகமளிப்பதோடு மட்டுமல்லாது வலைப் பதிவின் கண்ணியம் காக்க வேண்டிய பொறுப்புணர்வையும் அதிகரிக்கிறது.
மேலும் பல வலைப் பதிவர்கள் உருவாவதற்கும் ஊக்கமளிக்கிறது.

உணர்ந்து செயல்படுவோம்.

டிஸ்கி 1:ஆமாம் இளவரசிகளைப் பற்றிச் சொன்னவர்கள் [அனுபவ]வயதான இராஜகுமாரிகள் வல்லியம்மா,கீதாம்மா,டெல்பின்,துளசியக்கா பற்றி சொல்வார்களா?

Wednesday, October 24, 2007

அபி அப்பா ஒரு ஏமாற்றுகாரர்--லொடுக்கு புகார்

மனுசன் என்னைக்குமே சொன்ன சொல்லில் இருந்து தவற கூடாது. அது தான் பெரியவருக்கு அழகு. என்னை போலவே அப்பாவியான லொடுக்கு என்பவரையும் பாஸ்ட் பவுலர் என்பவரையும் ஆக மொத்தம் ஒருவரை(???) அபி அப்பா ஏமாற்றி இருக்கிறார்.

என்னா பிரச்சினை என்றால் 20:20 உலக கோப்பையை இந்தியா ஜெயித்துவிட்டது என்று அபி அப்பா கிட்ட யாரும் சொல்லி இருப்பாங்க போல, அதன் பிறகு இந்தியாவுக்கு வரும் ஆஸ்திரேலியாவை இந்தியா அணி ஓட ஓட விரட்டி அடிச்சு ஜெயிக்கும் என்று கிரிக்கெட்டே பார்க்காத அபி அப்பாவும். இந்திய அணி மீது பலமான நம்பிக்கை கொண்ட லொடுக்கு அதெல்லாம் ஜெயிக்காது என்று கார சாரமாக பேசி இருக்கிறார்கள்.

முடிவில் 100 திர்ஹாம் பெட் கட்டி இருக்கிறார்கள், இந்தியா ஜெயித்தால் லொடுக்கு தனக்கு 100 திர்ஹாம் கொடுப்பது போல் போட்டோ எடுத்து பதிவு போட்டுப்பேன் என்று அபி அப்பாவும்.

அது போல் ஆஸ்திரேலியா ஜெயித்து விட்டால் தான் 100 திர்ஹாம் கொடுக்கிறேன் அதை போட்டோ எடுத்து பதிவு நீங்க போட்டுக்கலாம் என்று காப்பிரை, அக்ரிமெண்ட் எல்லாம் போட்டு இருக்கிறார்கள்.

இப்ப என்ன பிரச்சினை என்றால் அபி அப்பா தோற்றுவிட்டார் ஆனால் 100 திர்ஹாம் கொடுக்க மறுக்கிறார்.

லொடுக்கு போன் போட்டால் அவர் பேசும் முன்பே ராங் நம்பர் என்று சொல்லி கட் செஞ்சுவிடுகிறார். அல்லது சில சமயம் நான் எங்க ஒளிஞ்சு இருக்கேன் கண்டு பிடி என்று கலாய்கிறாராம்.

நீங்களே ஒரு பைசல் செய்யுங்க.

பி.கு: இந்த பதிவையே ஆதாரமாக வைத்து பெட்டிங் செய்த குற்றத்துக்காக இருவரையும் கைது செய்யும் படி கேட்டுக்கிறேன்.

Tuesday, October 23, 2007

பினாத்தலாருக்கு வலை மாமணி பட்டமளிப்பு---அறிவிப்பு

என் உயிரினும் மேலான கழக உடன்பிறப்புகளே!!!
இரத்தத்தின் இரத்தங்களே!!!!
கண்ணின் மணிகளே மருத்துவர் அய்யாவின் அடியொற்றிகளே
விடுதலை தேடும் சிறுத்தைகளே புரட்சிப் புயலின் போர்வாள்களே
புரட்சிக் கலைஞரின் புதுத் தொண்டர்களே சுப்ரீம் ஸ்டார் சரத்குமாரின் ஆதரவாளர்களே
இலட்சிய திமுக விஜய டி.இராஜேந்தரின் எதுகை மோனைகளே
நாளை யாராவது உருவாக்கக் கூடிய புதிய கட்சியின் அடிபொடிகளே [குசும்பா எல்லா கட்சிப் பேரும் வந்துட்டுதா பாரு]என்ன இது கட்சி மீட்டிங் மாதிரி.....

தாமரைப் பூவைப் போன்று அமர்ந்திருக்கும் தலைமை ஆசிரியர் அவர்களே!!!
இதழ்களாக மலர்ந்திருக்கும் ஆசிரியப் பெரு மக்களே!!!!!
வண்டுகளாக...ச்சீ...ஸ்கூல் இலக்கியமன்ற ஞாபகம்.

மதிப்பிற்குரிய நடுவர் அவர்களே...என்னுடன் தோள் கொடுத்து பேச வந்திருக்கும் தோழர்களே எதிர் வழக்காட வந்திருக்கும் மாற்று அணியினரே....
அய்யோ பட்டிமன்ற..ஞாபகம்

அன்வர்க்கும் மை ஹாப்பி தீப்வாளி விஷஷ் ஆக்ச்சுவலி ஐ டோண்ட் நோ டமில்
என்கி கொஞ்ச தான் டமில் வர்து அத்து வந்து யோசிச்சி நா இன்ன சொல்ரன்னா...
பினதால்சுர்ரேஷ் பட்டிவு சூப்பர் மைண்ட் ப்ளோயிங்..எங்உ..இன்னும் கொஞ்சம் கொஞ்சம் பிக் பிக் எலுத்துல போட்டீசினா..நல்லருக்கிம்..எனி ஹவ் அமேசிங்...பர்பமென்ஸ்....

[மானாட மயிலாட வில் நமீதா பேசக் கேட்ட எபக்ட்டுங்கோ]

சரிங்க மைக் கையில கிடைச்சா இப்படித்தான் உளறிக் கொட்டிக் கிளறி மூடுவேன்.

இது வலைப் பதிவு சமாச்சாரமுங்கோ

இந்த வருடத்திய கலை மாமணி ...இல்லையில்லை வலை மாமணி விருது

அமீரகத்துச் சிங்கம்
தமிழ் மணக் காவலன்
மொக்கை தேசத்து முடி சூடா மன்னன்

பினாத்தலாருக்கு வழங்க பாசக்கார குழுவினரால் பரிந்துரைக்கப் பட்டு தமிழக முதல்வர் அவர்களால் வழங்கப் படுகிறது.

இந்த மாதத்திய சிறந்த நக்கல்/நையாண்டி பதிவு: இங்கே

எப்போ எங்கே யாரு யாரைக் கேட்டு செய்யறீங்கன்னு கேட்கக் கூடாது.

எங்களுக்கு எப்பத் தோனுதோ அப்ப திடீர் திடீர் னு பதிவர்களுக்குப் பட்டமளிப்போம்.
பட்டம் வேனும்ங்கிறவங்க எங்களை அனுகலாம்.

[முன்பே பலருக்கு டாக்டர் பட்டம் வழங்கியிருப்பதையும் நினைவில் கொள்க.]

இப்படிக்கு பட்டம் வழங்கு குழுவினர்:பாசக்கார குடும்பம்

Thursday, October 18, 2007

ஒரு வாழ்த்து கும்மி!!!

நான் கொஞ்ச நாளாவே சரியில்லை! என் மனசு எதை பார்த்தாலும் மனசு பட படன்னு அடிச்சுக்கும். போன் வந்தா "அய்யோடா"ன்னு இருக்கும். காலையில எழுந்திரிச்சா ஏண்டா வேலைக்கு போறேன்னு இருக்கும். குளிக்க போகனும்ன்னு எழுந்தா பேஸ்ட் தீர்ந்து போயிருக்கும். ஹீட்டர் போடாமலே வென்னீர் சுட சுட கொட்டும். வினாயகருக்கு அருகம்புல் பறிக்க கிடேசன் பார்க் போனா அது மேலே பூனை படுத்திருக்கும். அவசர அவசமா ஊதுபத்தி கொளுத்தினா லைட்டர் மக்கர் பண்ணும். வண்டில ஏறும் முன்ன பெப்ஸிக்கு 1 திர்காம் காசு போட்டா ஒன்னுமே வராது! நாலு உதை விட்டாகூட கால் வலிதான் மிஞ்சும். காசும் திரும்ப வராது!

ஆபீஸ் போனா தமிழ்மணம் திறக்காது. மக்கர் பண்ணும். முதல் வார்த்தையா போன்ல "கம் டு மை கேபின்"ன்னு கரகரப்பா குரல் வரும்.சரி நாஷ்டா துண்னலாம்ன்னு பார்த்தா பர்சை மறந்துட்டு வந்திருப்பேன். மதியம் சாப்பிட எடுக்கும் போது தான் ஃபிரிட்ஜ்ல வைக்க மறந்து ஊசி போய் இருக்கும்.

மாலை ஆபீஸ் பாய் டீ குடுக்கும் போது சீனி அதிகமா ஆகியிருக்கும்!!மாலை 5 க்கு திரும்பலாம் என நினைக்கும் போது வண்டி பஞ்சரா ஆகியிருக்கும். மாலை வந்தா ஜி மெயில்ல என் பதிவுக்கு பழகின பாவத்துக்காக கோபி மட்டும் 2 பின்னூட்டம் போட்டிருப்பான்.

வெறுத்து போய் சமையல் ஆரம்பிச்சா உப்பு ஜாஸ்தியா ஆகும்.

இப்படியா போய்கிட்டு இருந்த என் 3 மாத வாழ்க்கை இன்னிக்கு என்ன ஆச்சு தெரியுமா?

காலை 5 மணிக்கு விழிப்பு வந்துடுச்சு! பேஸ்ட், சோப், எல்லாம் புதுசா இருந்துச்சு! ஏன்னா நேத்து தான் வாங்கினேன்!நைட் வாளியிலே பிடிச்சு வச்ச தண்னி செம குளிர்ச்சியா இருந்துச்சு. வெளியே மழை லட்டா தூறிகிட்டு இருந்துச்சு. கிடேசன் பார்க் பூனை எல்லாம் ஓடி ஒழிஞ்சுடுச்சு. ஆனா அருகம்புல் மாத்திரம் "வா வா என்னை பறிச்சுக்கோ பறிச்சுக்கோ"ன்னு கூப்பிடுவது போல இருந்தது. ஓடிப்போய் அள்ளிக்கொண்டேன். 5 மணிக்கே எழுந்ததால் டைம் இருந்தது அதனால சின்ன மாலையா கட்டினேன். அப்போ சன் டீவி அம்மணி" விருச்சிக ராசி நேயர்களே, இன்று முதல் உங்களை புது பெரிய பிராஜட்க்கு மாத்த போறாங்க!சீக்கிரமா இன்கிரிமெண்ட் கிடைக்கும், புது பிராஜக்ட் டைரக்டர் உங்க மேல அன்பா பாசமா ஆட்டுகுட்டிமாதிரி இருப்பார் உங்க கிட்ட, இன்னிக்கு நீங்க போட்டுகிட்டு போக வேண்டிய சட்டை நேத்து சோப்பு, பேஸ்ட் வாங்கிய போது வாங்கிய அப்துல்கலாம் கலர் லூயிபிலிப் சட்டை...."ன்னு ஏதோ சொல்லிகிட்டு இருந்தாங்க!

சரின்னு கீழே வந்து பெப்ஸிக்கு காசு போட்டு எப்போதும் போல உதைக்கும் போது, வந்து விழுந்துச்சு 2 பெப்ஸி!!!சரின்னு எடுத்துகிட்டு வெளியே வந்தா "அண்ணே எனக்குமா பெப்ஸி, ரெண்டா வச்சிருக்கீங்க, நான் தான் நீங்க இந்த மெஷின்ல ஏமாந்து போறீங்களேன்னு நானும் ஒன்னு வாங்கியாந்தேன்"--- இது ராமு!!!

புது ஆபீஸ்ல போய் உக்காந்தா "வெல்க்கம் வெல்க்கம்" முதல் போன். "நான் அங்க தான் வர்ரேன், கொஞ்சம் வெளியே வந்து நில்லுங்க, நான் சைட்டுக்கு போகனும் சும்மா கை காட்டிட்டூ போறேன், மீட்டிங் டைம் ரொமீனோ சொல்லுவா"

காலையிலே 9க்கு பசிச்பது போல ஒரு உணர்வு!! அப்போ லொஜிஸ்ட்டிக் "அரசு" வந்தான் பதினாலும் + பதினாலும் 28 குட்டி குட்டி இட்லியோட!

மதியம் என் சாப்பாடு சாப்பிட உக்காந்தபோது நெனைச்சுகிட்டேன்"அய்யோ உப்பு ஜாஸ்தியா போச்சே"ன்னு, நெனச்சுகிட்டே இருக்கும் போது அழைப்பு, மீட்டிங் ஹால்க்கு, எவனுக்கோ பிரந்த நாளாம் KFC யும் பன்னும் முட்டகோசும்...லைட்டா வெட்டினேன்.

சரி சைட்டுக்கு போகலான்னு போனேன், போனா கீழே இறங்கியவுடன் நான் கண்டெடுத்தது ஒரு திர்காம் காசு!!! எனக்கு எப்பவுமே ஒரு செண்டிமெண்ட், வாட்ச் ஸ்டாப் அறுந்து போனா ரொம்ப கஷ்டப்படுவேன். மூணு மாசம் முன்ன அறுந்து போச்சு! ஆனா நேத்து தான் ஷாப்பிங் போன போதி எல்லாம் மாத்தினேன். அது போல நான் காசு கண்டெடுத்தால் அது முதல் அதிஷ்டம் பிச்சுக்கும். அந்த 1 திகாம் காசை எடுத்து பையில் பத்திரமாக வச்சுகிட்டேன்!!

மாலை 4 மணிக்கு "கிளம்பலாம் சார்"ன்னு சொன்ன ராமு பேச்சை நான் தட்டவே இல்லை!! வந்து சரி குளிச்சுட்டு வந்து சாமி கும்பிடலாம்ன்னு லேப்பியை ஆன் செஞ்சுட்டு வந்து பார்த்தேன். அப்படியே சாமி கும்பிடும் முன்ன தமிழ்மணத்துல பார்த்தா அவந்தி பதிவு இருந்துச்சு. சரின்னு ஒரு பின்னூட்டம் போட்டேன் வழக்கம் போல படிக்காமலே:-))

அப்படியே பதிவுகளை மேஞ்சுகிட்டு இருந்த போது டீச்சர் பதிவுக்கு போனா அவங்க"சுவரொட்டி"ல ஒட்டிகிட்டாங்கன்னு தெரிஞ்சுது(எனக்கு சொல்லவேயில்லியே டீச்சர்ன்னு நெனச்சுகிட்டே அங்க போய் பார்த்தா அங்க ஒரு ஆச்சர்யம்!!!)

நம்ம பாசக்கார குடும்ப குட்டி பிள்ளைக்கு இன்னிக்கு பிறந்த நாளாம்!!! உடனே ஓடிப்போய் வினாயகர் கிட்டே "பிள்ளையாரப்பா, நம்ம அவந்தி, நல்லா படிச்சு, பெரிய பயோடெக்னாலிஸ்ட்டா,இங்ஜினியரா,டாக்டரா, கலெக்டரா,வக்கீலா,முதல்வரா, பிரதமரா வரணும்"ன்னு வேண்டிகிட்டேன். அப்போதான் "நறுக்"ன்னு ஒரு குட்டு, வேற யாரு நம்ம வினாயகர்தான்! " ஏண்டா லூசு, ஒழுங்கு மரியாதையா வேண்டிக்கோ, நான் வேனும்னா நீ முதல்ல கேட்ட வரத்தை குடுத்துடரேன், இனிமே நெம்ப உணர்ச்சி வசப்படாதே"ன்னு சொல்லிட்டு போயிட்டாருப்பா!!

வீங்கின தலையோட பதிவை போடுறேன்!!!

Wednesday, October 17, 2007

ஜெஸிலா விற்கு பிறந்த நாள் வாழ்த்துக்கள்




அமீரக புரட்சி பெண்ணிய பதிவர் திருமதி ஜெஸிலா
அவர்களுக்கு இனிய பிறந்த நாள் நல்வாழ்த்துக்கள்..

அன்புடன் பாசக்கார குடும்பம்

Tuesday, October 16, 2007

வீக் ஸ்டார்...ஏன் வீக்கானது

ஆகாயத்தில் பறப்பது போன்றதொரு பரவசம்.மனதில் ஆயிரம் பட்டாம் பூச்சிகள் பறக்கும்.
இனம் தெரியாத சந்தோஷமும் அத்துடன் ஒரு பயமும் சேர்ந்து கொள்ள அனிச்சையாய்க் கண்கள் பனிக்கும்.

யாரிடம் சொல்வது என்ற தயக்கமும் சொன்னால் ரகசியம் வெளிப்பட்டு சுவாரஸ்யம் குறைந்து போகுமே என்ற பயமுமாக மனம் கிடந்து தவிக்கும் அனுபவம்.

எனக்கு மட்டும் புதிதல்ல.என்னைப் போல் பலரும் இப்படி உணர்ந்திருக்கலாம்.
எதற்குஇத்தனை பீடிகை என்று கேட்கிறீர்களா?

நட்சத்திர வாரத்திற்குத் தாங்க.

ஜிமெயிலில் தமிழ் மணத்தின் நட்சத்திர தேர்வு மடல் வரும்போது இப்படித்தான் அனைவரும் உணர்ந்திருப்பர்.

பதிவர்களில் பெரும்பாலோர் உஷா,தமிழ் நதி,மெலட்டூர் நடராஜன் போன்ற சிலரைத் தவிர்த்து
[இன்னும் சிலர் இருக்கக் கூடும்]அனைவரும் வலையில் மட்டுமே எழுதும் வாசிக்கும் வாய்ப்பு பெற்றவர்கள்.

தம் பதிவுகள் பலராலும் படிக்கப் படுவதே பதிவர்களுக்கு மிகுந்த சந்தோஷம்.இதில் நட்சத்திரமாகத் தேர்ந்தெடுக்கப் படுவது என்பது இன்னும் இன்னும் சந்தோஷமே.

திங்கட்கிழமை தமிழ் மணத்தைத் திறந்தால் இன்று யார் பெயர் நட்சத்திரமாக இருக்கும் என்பது மிக சுவாரஸ்யமான சஸ்பென்ஸாக இரூக்கும்.

ஆனால் இப்பெல்லாம் அடிக்கடி வீக் ஸ்டார் [week] வீக்காகி விடுகிறது [weak] ஏனோ?

நட்சத்திரமாக ஒப்புக் கொண்டர்வர்களின் தவறாக மட்டுமே [நேரமின்மை]இருக்க முடியும் என்று நினைக்கிறேன்.

இவ்வாறு நேரும் காலங்களில் மாற்று ஏற்பாடாக அடுத்து வரும் நட்சத்திரத்தைப் பதிவிடச் சொல்லலாம்.

தொழில் நுட்ப பிரச்சினையோ அல்லது வேறு ஏதுமோ எனத் தெரியாத நிலையில் தமிழ்மணத்தைக் குறைகூற விரும்பவில்லை. ஆனாலும் வருங்காலத்தில் இதுபோல் நிகழாமலும் பதிவர்களை ஏமாற்றம் அடையச் செய்யாமலும் இருக்க முயலலாமே.

Monday, October 15, 2007

பறவை டி.வி பார்க்குமா? ஒரு சந்தேகம் தயவு செய்து விளக்கவும்!!!

எனக்கு ஒரே ஒரு சந்தேகம்ங்க! பறவைகள் டிவி பார்க்குமா? இது அவிஅப்பாவின் அநியாய சந்தேகம்! தயவு செய்து விளக்கம் தாருங்கள்! (இவ்ளோவ் தான் பதிவு)
திஸ்கி: அபிஅப்பாவின் ஸ்டார் பதிவுகள் நம்ம "உண்மை தமிழன்" பதிவு மாதிரியாக நெம்ப பெருசா இருக்குன்னு சமீபகாலமாக ஒரு பேச்சு அடிபடுது! நான் உண்மை தமிழன் இல்லை என சொல்லவே இந்த பதிவு! பாருங்க 18 வார்த்தையில் ஒரு பதிவு போட்டுட்டேன்!!

ரெண்டு நாளா தூக்கம் இல்லீங்க நான் தூங்க போறேன் வந்து குமுறுங்கப்பா!!

அபிஅப்பா ஒரு உண்மையான தமிழனா?

என்னங்க இது இப்படி ஒரு தலைப்பா என கேட்காதீங்க! சமீபமா (1 மாசமா) இப்படி ஒரு கேள்வியை எல்லோரும் என்னை கேட்டு துளைச்சு எடுத்து நான் அதற்க்கு விளக்கம் சொல்ல வேண்டிய கட்டாயத்தில் இருக்கிறேன்! இன்னும் சிறிது நேரத்தில் ஒரு விளக்க பதிவு போட்டுடலாம்ன்னு இருக்கேன்! வந்து பார்த்து தெளிந்து கொள்ளுங்கள் மக்கா!!

Thursday, October 11, 2007

ஆதித்த கரிகாலனை கொன்றது யார்????

நண்பர் தீவு எழுதியிருந்தார், ஆதித்த கரிகாலனை கொன்றது யார் என! இது சம்மந்தமாக என்னை ஒரு பிரபல பதிவர் "யாராயிருக்கும்?" என கேட்க நான் முதல்ல அது எந்த கதையின் கதா பாத்திரம் என தேட பின்ன ஒருவழியா கண்டு பிடிச்சு, அவங்க கிட்ட "நான் யார்ன்னு சொல்லுவேன் ஆனா நான் கேட்கும் 27 கேள்விகளுக்கு பதில் சொல்லுங்க 'யார் மனசுல யார்ன்னு தெரிஞ்சுப்போம்"ன்னு சொல்ல அவங்களும் கேள்வியை தைரியமா எதிர் கொள்ள எனக்கு முழு கதையும் கிடத்தது!!

ஆனா கிட்டதட்ட 5 பாகம் வருது! சீக்கிரம் ஏதிர்பாருங்கள் அபிஅப்பா.பிலாக்ஸ்பாட்.காம் ல!!!!

Thursday, October 4, 2007

நான் நிரூபிச்சாகனும்ப்பா!!!


தம்பி என் பதிவு ஒன்றில் எனக்கு சைக்கிள் கூட ஓட்ட தெரியாதுன்னும் மாயவரத்தின் எல்லா தெருவிலும் நான் சில்லரை எடுத்திருப்பதாகவும் கோபி சொன்னதா ஒரு பின்னூட்டம் போட்டிருந்தாரு!

என்னா ஒரு கயவாலி தனம் நம்ம கோபி மற்றும் தம்பிக்கு!!

நான் கலைமாமணி விருது வாங்கிட்டனுங்க!!!!



நெம்ப சந்தோஷ்ம்ங்க! என் ஸ்டார் வாரத்துல வந்து குமுறிட்டீங்க! எனக்கு கலைமாமணி விருது வாங்கினது போலவே இருக்குங்க! அது சம்மந்தமா படம் போடலாம்ன்னு நான் தேடி பார்த்த போது இந்த படம் தான் கிடைச்சுதுங்க! மத்தபடி எந்த உள்குத்தும் இல்லீங்கோ!!